ஒளி

சுடரின் ஒளிவட்டம்
இருள் வட்டம் கடந்த
ஞானவட்டத்தில் ஒளிந்திருக்கிறது
தீபத்தின் பிரகாசம்
******
உன் விரல்கள் ஏற்றிய
தீபக்கண்ணிகளில்
நான் இப்போது நெய்
******
ஆயிரம் தீபங்களின்
ஏகாந்த ஒளிப்பொழிவு
சற்றே தலைசாய்த்த
உன் மந்தகாச புன்னகை
******
பத்து விரல் திரி
பற்றி எரியும் நகச்சுடர்
நடமாடும் தசமுக விளக்கு நீ
******
உன் முகத்தை என் கைகளில்
ஏந்தியபொழுது
ஒரு தீபமாகியிருந்தது அது
******
ஆண்டுதோறும் தலைதீபாவளி
தினமும் உன்னால்
இன்று புதிதாய் பிறந்தேன்
******
*நன்றி: சூரியகதிர் நவம்பர் - 2013 இதழ்